SETUP (para lang sa mga ATLITA)

Paano mo ba masasabi na ang isang tao ay malusog? Kung siya ba ay may magandang pangangatawan? Hindi nagkakasakit? Maganda ang kutis? Ang batayan ng pagiging malusog sa iba ay ang pagkakaroon ng tinatawag nilang Abdominal Muscle o mas kilala sa tawag na ABS. Ang abs ay parang bituin mahirap maachieve unless ikaw ay pinanganak na gifted o yung tinatawag na walang tiyan.

Mayroon akong kaibigan kung tawagin namin ay Boss, maganda ang hubog ng kanyang katawan, sakto lang ang height, sakto lang din ang timbang at higit sa lahat madame siyang ABS. Nahiwagaan ako kung paano nga ba magkaroon talaga ng tunay na abs, at humingi ako sa kanya ng konting payo kung paano ba ako magkakaroon ng ganun. Unang sinabi niya, “Pre! Magsetup ka” una kong narinig to ang akala ko kinabahan lang siya masyado sa pagbibigay ng payo sa unang pagkakataon. Pero hindi, pinaulit ko ito at hindi ako nagkamali sa narinig ko SETUP nga ang sabi nya. Seryoso siya sa pagsabi ng SETUP at wala kang mababakas sa mukha niya ang pagbibiro. Unang una para makayanan mo ang pagSESTUP ng madame ay dapat ATLITA ka, sa pangalawang pagkakataon ang akala ko ay nagkamali na naman ako ng pagkakarinig. Pero hindi! Hindi talaga!!!!